dasht ki naa-tamaam raahon par — Vijay Sharma

main bahut duur se aaya huun ik ummid liye
baiThne mat do magar naam to batlaane do

'arsh' bahaaron mein bhi aayaa ek nazaara patjhaD kaa
sabz shajar ke sabz tane par ik sukhi si Daali thi

nayaa nayaa hai so kah lo ise akelaa-pan
phir is maraz ke kai aur naam aaeinge

nai nahin hai ye tanhaai mere hujre ki
maraz ho koi bhi hai chaaraagar se Dar jaanaa

ik mohabbat bhare cinema mein
mere marne kaa scene mere khvaab

ye bahs chhoD ke kitni hasin hai duniyaa
tu ye bataa ki teraa dil kahin lagaa ki nahin

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dil jo ummid-vaar hotaa hai
tir-e-gham kaa shikaar hotaa hai

na puchh us ki dil-afsurdagi ki kaifiyyat
jo gham-nasib khushi mein bhi muskuraa na sakaa

adam se hasti mein jab ham aae na koi hamdard saath laae
jo apne the vo hue paraae ab aasraa hai to bekasi kaa