itnaa aasaan nahin paani se shabihein dhonaa — Ali Akbar Natiq

koi na rasta naap sakaa hai, ret pe chalne vaalon kaa
agle qadam par miT jaaegaa pahlaa naqsh hamaaraa bhi

hijaab aa gayaa thaa mujh ko dil ke iztiraab par
yahi sabab hai tere dar pe lauT kar na aa sakaa

sard raaton ki havaa mein uDte patton ke masil
kaun tere shab-navardon ko sambhaale shahr mein

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

mukhtasar baat thii, phaili kyuun sabaa ki maanind
dard-mandon kaa fasaana thaa, uchhaalaa kis ne

aadhe peD pe sabz parinde aadhaa peD aasebi hai
kaise khule ye raam-kahaani kaun saa hissa meraa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

khushbu-e-hinaa kahnaa narmi-e-sabaa kahnaa
jo zakhm mile tum ko phulon ki qabaa kahnaa

sitaara aankh mein dil mein gulaab kyaa rakhnaa
ki Dhalti umr mein rang-e-shabaab kyaa rakhnaa