mukhtasar baat thii, phaili kyuun sabaa ki maanind — Ali Akbar Natiq

koi na rasta naap sakaa hai, ret pe chalne vaalon kaa
agle qadam par miT jaaegaa pahlaa naqsh hamaaraa bhi

hijaab aa gayaa thaa mujh ko dil ke iztiraab par
yahi sabab hai tere dar pe lauT kar na aa sakaa

itnaa aasaan nahin paani se shabihein dhonaa
khud bhi roegaa musavvir ye qayaamat kar ke

sard raaton ki havaa mein uDte patton ke masil
kaun tere shab-navardon ko sambhaale shahr mein

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

aadhe peD pe sabz parinde aadhaa peD aasebi hai
kaise khule ye raam-kahaani kaun saa hissa meraa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

qarib se use dekho to vo bhi tanhaa hai
jo duur se nazar aataa hai anjuman yaaro

phunk kar saaraa chaman jab vo sharik-e-gham hue
un ko is aalam mein bhi gham-aashnaa kahnaa paDaa

muD ke jo aa nahin paayaa hogaa us kuche mein jaa ke 'zafar'
ham jaisaa be-bas hogaa ham jaisaa tanhaa hogaa