hijaab aa gayaa thaa mujh ko dil ke iztiraab par — Ali Akbar Natiq

koi na rasta naap sakaa hai, ret pe chalne vaalon kaa
agle qadam par miT jaaegaa pahlaa naqsh hamaaraa bhi

itnaa aasaan nahin paani se shabihein dhonaa
khud bhi roegaa musavvir ye qayaamat kar ke

sard raaton ki havaa mein uDte patton ke masil
kaun tere shab-navardon ko sambhaale shahr mein

ghubaar-e-shahr mein use na DhunD jo khizaan ki shab
havaa ki raah se milaa, havaa ki raah par gayaa

mukhtasar baat thii, phaili kyuun sabaa ki maanind
dard-mandon kaa fasaana thaa, uchhaalaa kis ne

aadhe peD pe sabz parinde aadhaa peD aasebi hai
kaise khule ye raam-kahaani kaun saa hissa meraa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

apni kahaani dil mein chhupaa kar rakhte hain
duniyaa vaalon ko hairaan nahin karte

ye kahnaa haar na maani kabhi andheron se
bujhe charaagh to dil ko jalaa liyaa kahnaa

maa-sivaa-e-kaar-aah-o-ashk kyaa hai ishq mein
hai savaad-e-aab-o-aatish diida o dil ke qarib

mere sukun-e-qalb ko le kar chale gae
aur iztiraab-e-dard-e-jigar de gae mujhe