phir dayaar-e-hind ko aabaad karne ke liye — Altaf Mashhadi

Tapke jo ashk valvale shaadaab ho gae
kitne ajiib ishq ke aadaab ho gae

pi ke jiite hain ji ke piite hain
ham ko raghbat hai aise jiine se

jab ki pahlu se yaar uThtaa hai
dard be-ikhtiyaar uThtaa hai

thi kal dayaar-e-'ishq mein 'iduzzuhaa 'miraash'
ham kyaa galaa kaTaate 'ajab bheD-chaal thi

tiir o kamaan aap bhi 'mohsin' sambhaaliye
jab dosti ki aaD mein khanjar dikhaai de

sitaare gum hue khurshid niklaa
araq jab yaar ne ponchhaa jabin se

dushman-e-jaan hi sahi dost samajhtaa huun use
bad-duaa jis ki mujhe ban ke duaa lagti hai

uruuj par hai azizo fasaad kaa suraj
jabhi to sukhti jaati hain pyaar ki jhilein