Tapke jo ashk valvale shaadaab ho gae — Altaf Mashhadi

phir dayaar-e-hind ko aabaad karne ke liye
jhuum kar uTTho vatan aazaad karne ke liye

pi ke jiite hain ji ke piite hain
ham ko raghbat hai aise jiine se

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik baazi-e-ishq se hain aari
khele hain vagarna sab jue ham

vo aashiqi ke khet mein saabit qadam huaa
jo koi zakhm-e-ishq liyaa dil ki Dhaal par

vaarasta kar diyaa jise ulfat ne bas vo shakhs
kab daam-e-kufr o rishta-e-islaam mein phansaa

talkhiyaan is mein bahut kuchh hain mazaa kuchh bhi nahin
zindagi dard-e-mohabbat ke sivaa kuchh bhi nahin