talab nahin hai hamein dusri mohabbat ki — Amaan Haider

qasam uThaai hai siina hi noch Daaleinge
kabhi jo 'ishq ki mahsus ki chubhan ham ne

ye ashk palkon pe Thahrein to aisaa lagtaa hai
kisi makaan ki dahliz par diye rakhe hain

hamesha she'r kahne ki mashaqqat karni paDti hai
asiraan-e-sukhan kis ne kahaa aazaad hote hain

haalaat chaahe jo bhi hon dil to baDaa rakho
ye vaqt kaT hi jaaegaa tum hausla rakho

jaan se baDh ke huaa karti hai 'izzat pyaare
sar diyaa jaataa hai dastaar bachaane ke liye

ai maahtaabo ujaalon ki bhiik le jaao
hamaare paanv ke chhaalon ki aaftaabi se

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tire jaur-o-jafaa kaa ham kabhi shikva nahin karte
mohabbat jis se karte hain use rusvaa nahin karte

ishq pe ijtihaad kar kar ke
mujtahid ho gayaa huun main gham kaa

mohabbat ki bhi to ik bevafaa se
ye qatl-e-khud nahin to aur kyaa hai

gae the baalTi bharne pe un se ishq kar baiThe
ghaDe apne kisi masjid se bhar laate to achchhaa thaa