apni mahfil se abas ham ko uThaate hain huzur — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

un ko lailaa ki sadaarat ki judaai kaa hai gham
ghar se baahar kaise niklein vo abhi iddat mein hain

paas hamaare aakar tum begaana se kyuun ho
chaaho to ham phir kuchh duuri par chhoD aaein tumhein

ye alag baat mujhe lauT ke aanaa hai yahin
tirgi mujh ko magar phir bhi rihaai de de

tire firaaq mein dil kaa ajiib aalam hai
na kuchh khumaar se baDh kar na kuchh khumaar se kam

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

ik lamha-e-firaaq pe vaaraa gayaa mujhe
kaisi hasin shaam mein maaraa gayaa mujhe