itnaa bedaariyon se kaam na lo — Ameer Qazalbash

sukut-e-shab mein dar-e-dil pe ek dastak thi
bikhar gai tiri yaadon ki kahkashaan mujh se

honaa paDaa hai khugar-e-gham bhi khushi ki khair
vo mujh pe mehrbaan hain magar be-rukhi ke saath

apne hamraah khud chalaa karnaa
kaun aaegaa mat rukaa karnaa

muztarib hain maujein kyuun uTh rahe hain tufaan kyuun
kyaa kisi safine ko aarzu-e-saahil hai

giraa diyaa hai to saahil pe intizaar na kar
agar vo Duub gayaa hai to duur niklegaa

main ne kyuun tark-e-taalluq ki jasaarat ki hai
tum agar ghaur karoge to pashimaan hoge

jab ki pahlu se yaar uThtaa hai
dard be-ikhtiyaar uThtaa hai

sivaa us ke na koi aur meraa dost ban paae
vo is Dar se zamaana mein mujhe badnaam kartaa hai

zikr meraa aaegaa mahfil mein jab jab dosto
ro paDeinge yaad kar ke yaar sab yaari miri

bhuul shaayad bahut baDi kar li
dil ne duniyaa se dosti kar li

phir chhu gayaa hai pyaar se koi zamin-e-dil
khilne lage hain dasht mein phir mogre ke phuul

main khvaab mein bhi use khul ke pyaar kar na sakaa
ki shankh bajne lagaa aur azaan hone lagi