honaa paDaa hai khugar-e-gham bhi khushi ki khair — Ameer Qazalbash

sukut-e-shab mein dar-e-dil pe ek dastak thi
bikhar gai tiri yaadon ki kahkashaan mujh se

apne hamraah khud chalaa karnaa
kaun aaegaa mat rukaa karnaa

muztarib hain maujein kyuun uTh rahe hain tufaan kyuun
kyaa kisi safine ko aarzu-e-saahil hai

giraa diyaa hai to saahil pe intizaar na kar
agar vo Duub gayaa hai to duur niklegaa

raavan raat jagaataa hai
koi raam-kahaani de

main ne kyuun tark-e-taalluq ki jasaarat ki hai
tum agar ghaur karoge to pashimaan hoge

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ek kaanTe ki khaTak se dil miraa aabaad thaa
vo gayaa to dil se mere dard ki raahat gai

ris rahaa hai muddat se koi pahlaa gham mujh mein
raasta banaataa hai aansuon kaa nam mujh mein

kitne saada hain ham ki baiThe hain
daagh-e-dil aansuon se dhone ko