qaamat hi likhaa ham ne sadaa jaa-e-qayaamat — Anwar Dehlvi

pheinkiye kyuun mai-e-naaqis saaqi
shaikh-saahib ki ziyaafat hi sahi

na main samjhaa na aap aae kahin se
pasina pochhiye apni jabin se

kuchh khabar hoti to main apni khabar kyuun rakhtaa
ye bhi ik be-khabari thi ki khabar-daar rahaa

sharm bhi ik tarah ki chori hai
vo badan ko churaae baiThe hain

miTTi kharaab hai tire kuche mein varna ham
ab tak to jis zamin pe rahe aasmaan rahe

surat chhupaaiye kisi surat-parast se
ham dil mein naqsh aap ki tasvir kar chuke

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate