jaane kis rang se ruThegi tabiat us ki — Anwar Masood

kahun ai zauq kyaa haal-e-shab-e-hijr
ki thi ik ik ghaDi sau sau mahine

is vaqt vahaan kaun dhuaan dekhne jaae
akhbaar mein paDh leinge kahaan aag lagi thi

chaae bhi achchhi banaati hain miri begam magar
munh banaane mein to un kaa koi saani hi nahin

raat aai hai balaaon se rihaai degi
ab na divaar na zanjir dikhaai degi

ajiib lutf thaa naadaaniyon ke aalam mein
samajh mein aaiin to baaton kaa vo maza bhi gayaa

jo hansnaa hansaanaa hotaa hai
rone ko chhupaanaa hotaa hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

jaise bijli ke chamakne se kisu ki sudh jaae
be-khudi aai achaanak tire aa jaane se

haarne mein ik anaa ki baat thi
jiit jaane mein khasaaraa aur hai

kiyaa hai jab siin amal be-khudi ke haakim ne
khirad-nagar ki raiyat hui hai ru ba-gurez