dukh ke taaq pe shaam Dhale — Anwar Sadeed

khaak huun lekin saraapaa nuur hai meraa vajud
is zamin par chaand suraj kaa numaainda huun main

khuli zabaan to zarf un kaa ho gayaa zaahir
hazaar bhed chhupaa rakkhe the khamoshi mein

jaagti aankh se jo khvaab thaa dekhaa 'anvar'
us ki taabir mujhe dil ke jalaane se mili

pankh hilaa kar shaam gai hai is aangan se
ab utregi raat anokhi yaadon vaali

chalaa main jaanib-e-manzil to ye huaa maalum
yaqin gumaan mein gum hai gumaan hai poshida

shikva kiyaa zamaane kaa to us ne ye kahaa
jis haal mein ho zinda raho aur khush raho

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

shikva-e-zulmat-e-shab se to kahin behtar thaa
apne hisse ki koi shama jalaate jaate

yaqin mohkam amal paiham mohabbat faatah-e-aalam
jihaad-e-zindagaani mein hain ye mardon ki shamshirein