shaam ke tan par saji jo surmai poshaak hai — A.R. Sahil 'Aleeg'

gulaab khvaab sitaare dhanak udaas charaagh
paDi hai fasl-e-mohabbat kaTi-kaTaai sabaa

ho na paae jab mukammal ishq kaa qissa to phir
shohratein rahne do ab gum-naamiyaan hi Thiik hain

piine paDte hain sainkaDon aansu
dard khud to davaa nahin hotaa

kyaa bataaun main ki tum ne kis ko saunpi hai hayaa
is liye sochaa miri khaamoshiyaan hi Thiik hain

is qadar mujh pe marti hai pagli koi
rone lagti hai d p haTaane ke baad

sab ki taqriron mein vaise hai khudaa sab kaa hi ik
haan magar har dil ki apni mazhabi poshaak hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

maarka garm to ho lene do khun-rezi kaa
pahle shamshir ke niche hamin jaa baiTheinge

ham duniyaa se jab tang aayaa karte hain
apne saath ik shaam manaayaa karte hain

hadaf jis kaa faqat dil ho main aise tiir ke qurbaan
badan jis se na ghaael ho main us shamshir ke qurbaan