ho na paae jab mukammal ishq kaa qissa to phir — A.R. Sahil 'Aleeg'

gulaab khvaab sitaare dhanak udaas charaagh
paDi hai fasl-e-mohabbat kaTi-kaTaai sabaa

piine paDte hain sainkaDon aansu
dard khud to davaa nahin hotaa

kyaa bataaun main ki tum ne kis ko saunpi hai hayaa
is liye sochaa miri khaamoshiyaan hi Thiik hain

is qadar mujh pe marti hai pagli koi
rone lagti hai d p haTaane ke baad

shaam ke tan par saji jo surmai poshaak hai
ham charaaghon ki faqat ye raushni poshaak hai

sab ki taqriron mein vaise hai khudaa sab kaa hi ik
haan magar har dil ki apni mazhabi poshaak hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

apne dushman ko bhi mohabbat de
ishq ke daaere ko vusat de

bahan kaa pyaar maan ki maamtaa do chikhti aankhein
yahi tohfe the vo jin ko main aksar yaad kartaa thaa

liye phiraa jo mujhe dar-ba-dar zamaane mein
khayaal tujh ko dil-e-be-qaraar kis kaa thaa