zamin paanv ke niche se sarki jaati hai — Asad Ali Khan Qalaq

ai be-khudi-e-dil mujhe ye bhi khabar nahin
kis din bahaar aai main divaana kab huaa

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

sindur us ki maang mein detaa hai yuun bahaar
jaise dhanak nikalti hai abr-e-siyaah mein

phir mujh se is tarah ki na kijegaa dil-lagi
khair is ghaDi to aap kaa main kar gayaa lihaaz

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

yuun ruuh thi adam mein miri bahr-e-tan udaas
ghurbat mein jis tarah ho gharib-ul-vatan udaas

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

sitaara kyaa miri taqdir ki khabar degaa
vo khud faraakhi-e-aflaak mein hai khvaar o zubun

'hasn-jamil' tiraa ghar agar zamin pe hai
to phir ye kis liye gum aasmaan mein tu hai

kisi sitaare se kyaa shikaayat ki raat sab kuchh bujhaa huaa thaa
fasurdagi likh rahi thi dil par shikastagi ki nai kahaani

aaj ki raat bhi guzri hai miri kal ki tarah
haath aae na sitaare tire aanchal ki tarah

chaand sitaare jhiil samundar murat teri kyaa dekhun
Duub gayaa aankhon ke andar surat teri kyaa dekhun