tilaai rang jaanaan kaa agar mazmun likhun khat mein — Asad Ali Khan Qalaq

ai be-khudi-e-dil mujhe ye bhi khabar nahin
kis din bahaar aai main divaana kab huaa

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

sindur us ki maang mein detaa hai yuun bahaar
jaise dhanak nikalti hai abr-e-siyaah mein

phir mujh se is tarah ki na kijegaa dil-lagi
khair is ghaDi to aap kaa main kar gayaa lihaaz

tire honThon se sharmaa kar pasine mein huaa ye tar
khizar ne khud araq ponchhaa jabin-e-aab-e-haivaan kaa

yuun ruuh thi adam mein miri bahr-e-tan udaas
ghurbat mein jis tarah ho gharib-ul-vatan udaas

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

roz o shab furqat-e-jaanaan mein basar ki ham ne
tujh se kuchh kaam na ai gardish-e-dauraan niklaa

us ko manzur nahin hai miri gumraahi bhi
aur mujhe raah pe laanaa bhi nahin chaahtaa hai

aghyaar kyuun dakhil hain bazm-e-surur mein
maanaa ki yaar kam hain par itne to kam nahin