ai chaaragaro paas tumhaare na milegi — Asghar Velori

un ke haathon se milaa thaa pi liyaa
zahr thaa par zaaiqa achchhaa lagaa

tire mahal mein hazaaron charaagh jalte hain
ye meraa ghar hai yahaan dil ke daagh jalte hain

shikaar apni anaa kaa hai aaj kaa insaan
jise bhi dekhiye tanhaa dikhaai detaa hai

log achchhon ko bhi kis dil se buraa kahte hain
ham ko kahne mein buron ko bhi buraa lagtaa hai

duniyaa se khatm ho gayaa insaan kaa vajud
rahnaa paDaa hai ham ko darindon ke darmiyaan

raushni jab se mujhe chhoD gai
shama roti hai sirhaane mere

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

is dil mein chubhaa rahtaa thaa kaanTe ki tarah vo
ik roz use main ne mohabbat se nikaalaa

dard-e-ulfat zindagi ke vaaste iksir hai
khaak ke putle isi jauhar se insaan ho gae

siine mein mire daagh-e-gham-e-ishq-e-nabi hai
ik gauhar-e-naayaab mire haath lagaa hai

bevafaa tum hue ki tark-e-mohabbat main ne
ishq-baazi miraa sheva thaa miri zaat na thi