siine ke biich 'saaqib' aisaa hai marnaa jiinaa — Asif Saqib

sameT le gae sab rahmatein kahaan mehmaan
makaan kaaTtaa phirtaa hai mezbaanon ko

raste ki anjaan khushi hai
manzil kaa an-jaanaa Dar hai

dil ki maujon ki taDap meri sadaa mein aae
daaere karb ke phaile to havaa mein aae

lakir khinch ke mujh pe vo phir mujhe dekhe
nigaar-o-naqsh mein chehra hai hu-ba-hu meraa

kis darja munaafiq hain sab ahl-e-havas 'saaqib'
andar se to patthar hain aur lagte hain paani se

qaidi rihaa hue the pahan kar nae libaas
ham to qafas se oDh ke zanjir chal paDe

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ye karein aur vo karein aisaa karein vaisaa karein
zindagi do din ki hai do din mein ham kyaa kyaa karein

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

miTaa miTaa saa tasavvur hai naaz maazi kaa
hayaat-e-nau hai ab is umr-e-raaegaan se gurez