fazaa mein haath to uTThe the ek saath kai — Ateequllah

tum ne to faqat us ki rivaayat hi suni hai
ham ne vo zamaana bhi guzarte hue dekhaa

zaraa se rizq mein barkat bhi kitni hoti thi
aur ik charaagh se kitne charaagh jalte the

ye raah-e-talab yaaro gumraah bhi karti hai
saamaan usi kaa thaa jo be-sar-o-saamaan thaa

aaina aaina tairtaa koi aks
aur har khvaab mein dusraa khvaab hai

kuchh badan ki zabaan kahti thi
aansuon ki zabaan mein thaa kuchh

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

har-dam yahi duaa hai khudaa ki janaab mein
aa jaae yaar khud mire khat ke javaab mein

gham-e-dil ab kisi ke bas kaa nahin
kyaa davaa kyaa duaa kare koi

daataa hai baDaa ravaaq miraa bharpur khazaane hain us ke
ye sach hai magar ai dast-e-duaa har roz taqaazaa kaun kare

hamaare shahr ki rivaayaton mein ek ye bhi thaa
duaa se qabl puchhnaa asar mein kitni der hai

main ne junun se ki jo 'asad' iltimaas-e-rang
khun-e-jigar mein ek hi ghota diyaa mujhe

kuchh to rishta hai tum se kam-bakhton
kuchh nahin koi bad-duaa bhejo