gham-e-dil ab kisi ke bas kaa nahin — Hadi Machlishahri

miraa vajud haqiqat miraa adam dhokaa
fanaa ki shakl mein sar-chashma-e-baqaa huun main

uThne ko to uThaa huun mahfil se tiri lekin
ab dil ko ye dhaDkaa hai jaaun to kidhar jaaun

ab vo piiri mein kahaan ahd-e-javaani ki umang
rang maujon kaa badal jaaataa hai saahil ke qarib

ghazab hai ye ehsaas vaarastagi kaa
ki tujh se bhi khud ko bari chaahtaa huun

tum aziiz aur tumhaaraa gham bhi aziiz
kis se kis kaa gilaa kare koi

lutf-e-jafaa isi mein hai yaad-e-jafaa na aae phir
tujh ko sitam kaa vaasta mujh ko miTaa ke bhuul jaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jaan dene ke sivaa aur bhi tadbir karun
varna ye baat to ham us se sadaa kahte hain

kal laD gayaa ki aur pe aashiq hai tu 'asad'
aayaa hai jab vo yaan to ik ilzaam de gayaa

jab yaad mein taDpein to mohabbat ko baDhaa dein
khud dard-e-mohabbat ki masihaai mohabbat