mire kalaam se behtar hai meri khaamoshi — Ayaz Jhansvi

yuun bhi mili hai mujh ko mire zabt-e-gham ki daad
aksar vo sar jhukaae hue muskuraae hain

main baDaa ho gayaa huun magar bachpanaa
mere dil se kabhi bhi gayaa hi nahin

milte ho to ab tum bhi bahut rahte ho khaamosh
kyaa tum ko bhi ab meri khabar hone lagi hai

ek aavaaz main ne suni thi abhi kaun bolaa thaa ye to khabar hi nahin
ye ta'alluq zaruri hai kis ne kahaa vo bhi khaamosh thaa main bhi khaamosh thi

maslahat thi koi vo chup the agar
bolne vaale to khul kar bolte

teraa chup rahnaa mire zehn mein kyaa baiTh gayaa
itni aavaazein tujhe diin ki galaa baiTh gayaa

zabaan khaamosh magar nazron mein ujaalaa dekhaa
us kaa izhaar-e-mohabbat bhi niraalaa dekhaa