maslahat thi koi vo chup the agar — Sharar Fatehpuri

kuchh na hone kaa gumaan thaa phir bhi
kuchh to hone ko huaa thaa kyaa thaa

us sitam pesha kaa eajaaz-e-sitam hi hogaa
dast-e-qaatil ko agar dast-e-masihaa likkhun

un se 'sharar' kuchh aise bichhDe
jivan kaa har sapnaa bikhraa

mere hi khuun mein nahlaa ke 'sharar'
vo salibon pe sajaa degaa mujhe

kyaa thi vo dair-o-haram ki duniyaa
jo bhi duniyaa kaa khudaa thaa kyaa thaa

be-hisi vo hai ki is daur mein jiine kaa mazaa
na gunaahon mein rahaa aur na savaabon mein rahaa

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ne bakhshaa hai kyaa zarf mom-batti ko
pighalte rahnaa magar saari raat chup rahnaa

sab ne dekhaa aur sab khaamosh the
ek suufi kaa mazaar uDtaa huaa

aaina ye to bataataa hai ki main kyaa huun magar
aaina is pe hai khaamosh ki kyaa hai mujh mein

aaina ye to bataataa hai main kyaa huun lekin
aaina is pe hai khaamosh ki kyaa hai mujh mein

miri dahliz par chupke se 'paashi'
ye kis ne rakh di meri laash laa kar