kisi ke aib chhupaanaa savaab hai lekin — Azhar Inayati

ghazal kaa sher to hotaa hai bas kisi ke liye
magar sitam hai ki sab ko sunaanaa paDtaa hai

shikastagi mein bhi kyaa shaan hai imaarat ki
ki dekhne ko ise sar uThaanaa paDtaa hai

raasto kyaa hue vo log ki aate-jaate
mere aadaab pe kahte the ki jiite rahiye

vo jis ke sehn mein koi gulaab khil na sakaa
tamaam shahr ke bachchon se pyaar kartaa thaa

javaanon mein tasaadum kaise ruktaa
qabile mein koi buDhaa nahin thaa

har ek raat ko mahtaab dekhne ke liye
main jaagtaa huun tiraa khvaab dekhne ke liye

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

zindagi sundar ghazal hai dosto
zindagi ko gungunaanaa chaahiye

yuun to qadam qadam pe hai divaar saamne
koi na ho to khud se ulajh jaanaa chaahiye

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe