kaise mumkin hai ki ham donon bichhaD jaaeinge — Aziz Warsi

tumhaari zaat se mansub hai divaangi meri
tumhin se ab miri divaangi dekhi nahin jaati

jahaan mein ham jise bhi pyaar ke qaabil samajhte hain
haqiqat mein usi ko ziist kaa haasil samajhte hain

tum pe ilzaam na aa jaae safar mein koi
raasta kitnaa hi dushvaar ho Thahraa na karo

dil mein ab kuchh bhi nahin un ki mohabbat ke sivaa
sab fasaane hain haqiqat mein haqiqat ke sivaa

gham-e-uqbaa gham-e-dauraan gham-e-hasti ki qasam
aur bhi gham hain zamaane mein mohabbat ke sivaa

ik vaqt thaa ki dil ko sukun ki talaash thi
aur ab ye aarzu hai ki dard-e-nihaan rahe

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

us ke rukhsaar pe hai aur tire honT pe til
tilmilaane ki ijaazat nahin di jaaegi

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

us ko sochun to dhyaan mein mere
khushbu aati hai pahli baarish ki

maango samundaron se na saahil ki bhiik tum
haan fikr o fan ke vaaste gahraai maang lo