uljhe uljhe resham ki Dor se bandhe rishte — Azra Naqvi

phailte hue shahro apni vahshatein roko
mere ghar ke aangan par aasmaan rahne do

ab ki baar jo ghar jaanaa to saare album le aanaa
vaqt ki dimak lag jaati hai yaadon ki almaari mein

aane vaale kal ki khaatir har har pal qurbaan kiyaa
haal ko dafnaa dete hain ham jiine ki tayyaari mein

bachpan kitnaa pyaaraa thaa jab dil ko yaqin aa jaataa thaa
marte hain to ban jaate hain aasmaan ke taare log

haqiqatein to mire roz o shab ki saathi hain
main roz o shab ki haqiqat badalnaa chaahti huun

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ye 'ishq laaegaa us moD par tujhe ek din
ghazal nahin tu miraa naam gungunaaegaa

ab is se baDh ke mohabbat kisi ko kyaa degi
kisi ki aankh kaa aansu kisi ki aankh mein hai

dard vahin zanjir vahin divaar vahin
'ishq se aakhir jhagDaa kyaa hai 'aali jaah

sazaa dete hain 'vaasif' sab ko vo jurm-e-mohabbat par
nahin mere liye koi sazaa ye hai sazaa meri