bachpan kitnaa pyaaraa thaa jab dil ko yaqin aa jaataa thaa — Azra Naqvi

uljhe uljhe resham ki Dor se bandhe rishte
har ghaDi mohabbat kaa imtihaan rahne do

phailte hue shahro apni vahshatein roko
mere ghar ke aangan par aasmaan rahne do

ab ki baar jo ghar jaanaa to saare album le aanaa
vaqt ki dimak lag jaati hai yaadon ki almaari mein

aane vaale kal ki khaatir har har pal qurbaan kiyaa
haal ko dafnaa dete hain ham jiine ki tayyaari mein

haqiqatein to mire roz o shab ki saathi hain
main roz o shab ki haqiqat badalnaa chaahti huun

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

kisi se ishq apnaa kyaa chhupaaein
mohabbat Tapki paDti hai nazar se

'umr guzri magar mohabbat mein
ek lamha bhi yaadgaar nahin

ab kisi kaam ke nahin ye rahe
dil vafaa ishq aur tanhaai