ham ab udaas nahin sar-ba-sar udaasi hain — Balmohan Panday

ghamon se bair thaa so ham ne khud-kushi kar li
shajar giraa ke parindon se intiqaam liyaa

mere alaava use khud se bhi mohabbat hai
aur aisaa karne se vo bevafaa nahin hoti

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

khudaa ko maan ki tujh lab ke chumne ke sivaa
koi ilaaj nahin aaj ki udaasi kaa

fazaa udaas hai rut muzmahil hai main chup huun
jo ho sake to chalaa aa kisi ki khaatir tu