ghamon se bair thaa so ham ne khud-kushi kar li — Balmohan Panday

mere alaava use khud se bhi mohabbat hai
aur aisaa karne se vo bevafaa nahin hoti

ham ab udaas nahin sar-ba-sar udaasi hain
hamein charaagh nahin raushni kahaa jaae

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hamaare gham tumhaare gham baraabar hain
so is nisbat se tum aur ham baraabar hain

main tark-e-taalluq pe bhi aamaada huun lekin
tu bhi to miraa qarz-e-gham-e-hijr adaa kar

aai sadaa-e-haq ki yahi band-o-bast hain
tere vatan ke log to murda-parast hain