kuchh aisi ban gai tasvir us ke dast-e-qudrat se — Bandar Ibn

itnaa hi chaahtaa huun ki main aur andalib
aapas mein dard-e-dil kahein Tuk baiTh kar kahin

sunaa kis ne haal meraa ki juun abr vo na royaa
rakhe hai magar ye qissa asar-e-duaa-e-baaraan

ai baaghbaan nahin tire gulshan se kuchh gharaz
mujh se qasam le chheDun agar barg-o-bar kahin

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

bahtaa huun main dariyaa ki ravaani se kahin duur
ik pyaas mujhe laai thi paani se kahin duur

dariyaa-e-husn aur bhi do haath baDh gayaa
angDaai us ne nashshe mein li jab uThaa ke haath

dikhaayaa us ne ban-Than kar vo jalva apni surat kaa
ki paani phir gayaa aaine par dariyaa-e-hairat kaa

ajab nahin ki ye dariyaa nazar kaa dhokaa ho
ajab nahin ki koi raasta nikal aae

sunaa thaa main ne ki fitrat khalaa ki dushman hai
so vo badan miri tanhaaiyon ko paaT gayaa