is ko naa-qadri-e-aalam kaa sila kahte hain — Chakbast Braj Narayan

kiyaa hai faash parda kufr-o-din kaa is qadar main ne
ki dushman hai barhaman aur adu shaikh-e-haram meraa

vatan ki khaak se mar kar bhi ham ko uns baaqi hai
mazaa daamaan-e-maadar kaa hai is miTTi ke daaman mein

zindagi kyaa hai anaasir mein zuhur-e-tartib
maut kyaa hai inhin ajzaa kaa pareshaan honaa

agar dard-e-mohabbat se na insaan aashnaa hotaa
na kuchh marne kaa gham hotaa na jiine kaa mazaa hotaa

adab taalim kaa jauhar hai zevar hai javaani kaa
vahi shaagird hain jo khidmat-e-ustaad karte hain

hai miraa zabt-e-junun josh-e-junun se baDh kar
nang hai mere liye chaak-e-garebaan honaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

hote hi shaam jalne lagaa yaad kaa alaao
aansu sunaane dukh ki kahaani nikal paDe

mire ghar se ziyaada duur sahraa bhi nahin lekin
udaasi naam hi leti nahin baahar nikalne kaa

'saajid' tu phir se khaana-e-dil mein talaash kar
mumkin hai koi yaad puraani nikal paDe

taDpeinge tiri yaad mein ghabraaeinge tanhaa
ai dost kisi taur na ji paaeinge tanhaa