hamein to saans bhi lene ki fursatein na rahin — Bushra Bakhtiyar Khan

use kaho ki use bakhsh dungi saaraa jahaan
use kaho ki miri samt ek baar aae

jis ruup mein bhi chaaho ham aa mileinge tum ko
nuur aur khaak tak hai sab silsila hamaaraa

ham manzilon ke baasi kab se bhaTak rahe hain
kab raah par chalegaa ye raasta hamaaraa

dair-o-haram pukaarne aae hamein magar
lekin khayaal-e-yaar se fursat nahin mili

main chaahun bhi to zamaana badal nahin sakti
ki 'bushraa' log yahaan jhuuT bolte hain bahut

zulmat ke kaarobaar se fursat nahin mili
jis ko tire dayaar se fursat nahin mili

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

shab kitni bojhal bojhal hai ham tanhaa tanhaa baiThe hain
aise mein tumhaari yaad aai jis tarah koi ilhaam aae

safar kaa marhala-e-sakht hi ghanimat thaa
Thahar gae to badan ki thakan ziyaada hui

yaad nahin kyaa kyaa dekhaa thaa saare manzar bhuul gae
us ki galiyon se jab lauTe apnaa bhi ghar bhuul gae

aa gayaa yaad unhein apne kisi gham kaa hisaab
hansne vaalon ne mire ashk jo gin ke dekhe