ab aadmi kuchh aur hamaari nazar mein hai — Bedam Shah Warsi

hamaari zindagi to mukhtasar si ik kahaani thi
bhalaa ho maut kaa jis ne banaa rakkhaa hai afsaana

vo qulqul-e-minaa mein charche miri tauba ke
aur shisha-o-saaghar ki mai-khaane mein sargoshi

apnaa to ye mazhab hai kaaba ho ki but-khaana
jis jaa tumhein dekheinge ham sar ko jhukaa deinge

mujhe shikva nahin barbaad rakh barbaad rahne de
magar allaah mere dil mein apni yaad rahne de

jis pe martaa huun use dekh to luun ji bhar ke
itni jaldi tu mire qatl mein jallaad na kar

tum jo chaaho to mire dard kaa darmaan ho jaae
varna mushkil hai ki mushkil miri aasaan ho jaae

jab ki pahlu se yaar uThtaa hai
dard be-ikhtiyaar uThtaa hai

qahr hai zahr hai aghyaar ko laanaa shab-e-vasl
aise aane se to behtar hai na aanaa shab-e-vasl

hijr se vasl ki itni thi masaafat yaaro
rang tabdil huaa bahte hue paani kaa

tumhaaraa bag bhi tayyaar kar ke rakkhaa hai
akeli hijr ke aazaar kyon uThaaun main

gulshan-e-khuld mein har-chand ki dil bahlaayaa
kucha-e-yaar magar dil se bhulaayaa na gayaa

saamne mohabbat ke hech hai siyaasat bhi
jab dimaagh thak jaae dil se kaam le ai dost