saamne mohabbat ke hech hai siyaasat bhi — Shahab Lakhnavi

naala-e-bulbul se ghunchon ke kaleje phaT gae
gulsitaan vaale samajhte hain ki gul khandaan hue

mai-khaana-e-hasti mein muflis ki javaani kyaa
ik laghzish-e-mastaana do-chaar qadam jaise

kaun ehsaan-e-naa-khudaai le
is se behtar to Duub jaanaa hai

dayaar-e-ghair mein luTte to koi baat na thi
luTe vatan mein to sadma huaa na jaane kyuun

aur baDhte to khudaai kaa bhi daave karte
khair guzri ki ye but rah gae but-khaane mein

karo gunaah-e-mohabbat tamaam umr 'shahaab'
khudaa ki di hui neamat buton ke kaam aae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

main ne bas itnaa hi likhaa i-love-you aur phir
us ne aage kar diyaa thaa gaal internet par

dil toDne vaale ko khabar ho ki abhi main
sar-taa-ba-qadam ik dil-e-bimaar nahin huun

khvaab dekhaa thaa mohabbat kaa mohabbat ki qasam
phir isi khvaab ki taabir mein masruf thaa main

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae