aa hi pahunchi ik dariche se shuaa-e-aaftaab — Daulat Ram Sabir Panipati

aaj kis ki jaan se kheloge ai chaaragaro
aaj pahlu mein mire zakhm-e-jigar koi nahin

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

palkon ke sitaare bhi uDaa le gai 'anvar'
vo dard ki aandhi ki sar-e-shaam chali thi

vahaan zer-e-bahs aate khat-o-khaal o khu-e-khubaan
gham-e-ishq par jo 'anvar' koi seminar hotaa