sochaa thaa aadmi kaa qasida likheinge ham — Dilawar Figar

is kaa kyaa hogaa ye jo unvaan aadhaa rah gayaa
ye bhi lete jaaein jo saamaan aadhaa rah gayaa

main bhi thaa haazir bazm mein jab tu ne dekhaa hi nahin
main bhi uThaa kar chal diyaa bilkul nayaa juutaa tiraa

pakDi gai radif to fauran ye kah diyaa
likhnaa kabhi thaa aur main yahaan likh gayaa abhi

ek achchhaa-khaasaa mard zanaane mein ghus paDaa
goyaa ki ek chor khazaane mein ghus paDaa

ek shaadi to Thiik hai lekin
ek do tiin chaar had kar di

kyaa bataaun mein tumhein is shahr kaa jughraafiya
bambai hai ik ghazal gaD-baD hai jis kaa qaafiya

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

naaseh yahaan ye fikr hai siina bhi chaak ho
hai fikr-e-bakhiya tujh ko garebaan ke chaak mein

pahle har baat pe ham sochte the
ab faqat haath uThaa dete hain

ubalte vaqt paani sochtaa hogaa zarur
agar bartan na hotaa to bataataa aag ko

meri nigaah-e-fikr mein 'anvar'
ishq fasaana husn hai uryaan