ai inqalaab-e-nau ke ujaale kahaan hai tu — Dilkash Sagari

hai lahu shahidon kaa naqsh-e-jaavedaan yaaro
maqtalon mein hoti hai aaj bhi azaan yaaro

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

saanson ki jal-tarang par naghma-e-ishq gaae jaa
ai miri jaan-e-aarzu tu yunhi muskuraae jaa

sukun de na sakin raahatein zamaane ki
jo niind aai tire gham ki chhaanv mein aai