meri sochon par usi ki dastaras hone lagi — Erum Zehra

dil ki dharti par vafaa kaa moajiza rakkhaa gayaa
phir dilon ke darmiyaan kyuun faasla rakkhaa gayaa

sochaa hi nahin tum ne zaraa baat se pahle
kyon shart rakhi tum ne mulaaqaat se pahle

is baar to munsif se koi chuuk hui hai
kyon jiit kaa elaan huaa maat se pahle

mire alfaaz mein us ki halaavat ho gai daakhil
mire lahje mein shaamil ho gai hai guftugu us ki

samundar kaa kinaara chhoDnaa aasaan nahin hotaa
karachi shahr ki shaamein suhaani chhoD aai huun

hamaare zarf kaa logon ne imtihaan liyaa
zaraa si baat kaa dil mein malaal kyaa rakhte

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

tumhaari aankhon ki tauhin hai zaraa socho
tumhaaraa chaahne vaalaa sharaab piitaa hai

aql har baar dikhaati thi jale haath apne
dil ne har baar kahaa aag paraai le le