ai chaaraagar ye kaisi hain davaaein — Faisal Qadri Gunnauri

tum jo chaaho vo karte phirte ho
saari paabandiyaan hami par hain

teraa aaina kah rahe hain mujhe
meri tasvir dekhne vaale

ab zindagi se koi bhi shikva nahin mujhe
tu mil gayaa to koi tamanna nahin mujhe

dil kaa mire parinda tumhaare qafas mein thaa
jab tak tumhaaraa haath miri dastaras mein thaa

lauT kar aae vo viraana-e-hasti dekhe
jis ki khvaahish thi ki barbaad kiyaa jaae mujhe

us ne jab se haath pakaDnaa chhoD diyaa
tab se ham ne saath mein chalnaa chhoD diyaa

jab ki pahlu se yaar uThtaa hai
dard be-ikhtiyaar uThtaa hai

dard thaa haijaan thaa par aankh mein aansu na the
jaise dil tak aate aate haadisa kam paD gayaa

mujhe na Dar hai qayaamat kaa ab na khauf-e-ajal
main dard-e-tark-e-mulaaqaat sah ke aaya huun

kitnaa hi dard-o-gham ho shikaayat na kijiye
varna huzur aap mohabbat na kijiye

yuun uThaa mere nasheman se dhuaan
dard pahlu se uThaa ho jaise

be-kasi ke dard ne lau di jal uTThaa ik charaagh
rafta rafta us se phir saaraa jahaan raushan huaa