yuun uThaa mere nasheman se dhuaan — Mehwar Noori

daulat se kahaan juDte hain TuuTe hue rishte
shishe ko kabhi gond se joDaa nahin jaataa

hamein aziiz ho kitne ye jaanne ke liye
hamaari jaan bhi haazir hai aazmaao hamein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sadme se baal shisha-e-gardun mein paD gayaa
tum ne dikhaai koThe par apni kamar kise

ik dard-e-mohabbat hai ki jaataa nahin varna
jis dard ki DhunDe koi duniyaa mein davaa hai

yuun chashm-e-tar se chehre par aansu hue ravaan
dariyaa se jaise laave koi nahr kaaT kar