lauT kar aae vo viraana-e-hasti dekhe — Faisal Qadri Gunnauri

us ne jab se haath pakaDnaa chhoD diyaa
tab se ham ne saath mein chalnaa chhoD diyaa

tum jo chaaho vo karte phirte ho
saari paabandiyaan hami par hain

teraa aaina kah rahe hain mujhe
meri tasvir dekhne vaale

ab zindagi se koi bhi shikva nahin mujhe
tu mil gayaa to koi tamanna nahin mujhe

dil kaa mire parinda tumhaare qafas mein thaa
jab tak tumhaaraa haath miri dastaras mein thaa

ai chaaraagar ye kaisi hain davaaein
miri taklif baDhti jaa rahi hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

marte hain aarzu mein marne ki
maut aati hai par nahin aati

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

kyaa kyaa na pyaas jaage mire dil ke dasht mein
hasrat bhi ek aag hai laage jo raat bhar

tiri vafaa mein mili aarzu-e-maut mujhe
jo maut mil gai hoti to koi baat bhi thi

shauq-e-sharaab khvaahish-e-jaam-o-subu nahin
hai sab haraam jab se ki pahlu mein tu nahin