tum jahaan ho vahaan ye yaad rakho — Farhan Dil

aaine se banaae rakh har dam
aaina shakhsiyat badaltaa hai

apni taarif sun ke khush mat ho
varna dil mein ghurur paltaa hai

ashk jo aankh se nikaltaa hai
hiddat-e-gham se dil pighaltaa hai

aql yunhi kise mili hai dost
tajraba aagahi mein Dhaltaa hai

kyaa zaruri hai saath dein saathi
yuun to saaya bhi saath chaltaa hai

itni jheli hai dil ne maayusi
laa-shuuri mein haath maltaa hai

mere khvaabon ke jharokon ko sajaate rahiye
na sahi vasl magar yaad to aate rahiye

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi