sadiyon ki raakh vaqt ki jholi mein Daal kar — Farhat Zahid

khizaan ke aakhiri din the vo khushbu maangne aayaa
miraa daaman hi khaali thaa main us ko phuul kyaa deti

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

ajiib rut hai ye hijr-o-visaal se aage
kamaal hone lagaa hai kamaal se aage

alfaaz na aavaaz na hamraaz na dam-saaz
ye kaise doraahe pe main khaamosh khaDi huun

vo aae to rang sanvarne lagte hain
jaise bichhDaa yaar bhi koi mausam hai

aurat huun magar surat-e-kohsaar khaDi huun
ik sach ke tahaffuz ke liye sab se laDi huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jiinaa hai to ji leinge bahar-taur divaane
kis baat kaa gham hai rasan-o-daar ke hote

shu’ur-e-tishnagi ik roz mein pukhta nahin hotaa
mire honTon ne sadiyon karbalaa ki khaak chumi hai