pahchaan jin se thi vo havaale miTaa diye — Fatima Hasan

raat dariche tak aa kar ruk jaati hai
band aankhon mein us kaa chehra rahtaa hai

sukun-e-dil ke liye ishq to bahaana thaa
vagarna thak ke kahin to Thahar hi jaanaa thaa

ulajh ke rah gae chehre miri nigaahon mein
kuchh itni tezi se badle the un ki baat ke rang

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

bhuul gai huun kis se meraa naata thaa
aur ye naata kaise TuuTaa bhuul gai

main ne maan kaa libaas jab pahnaa
mujh ko titli ne apne rang diye

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai