kuza-gar main tiri mohabbat mein — Fauziya Rabab

ishq jab se mujhe mayassar hai
khud ko hoti nahin mayassar main

mujh se puchhaa jo kisi ne tiri pahchaan bataa
main pukaari main tumhaari main tumhaari maulaa

vaqt jab aaina dikhaataa hai
aadmi khud ko bhuul jaataa hai

aaj phir tum ko ham ne dekhaa hai
aaj mahshar bani hain ye aankhein

mujh ko har lamha miri maan se mohabbat hai 'rabaab'
main kisi roz bhulaa duun use mumkin hi nahin

jab vo kahti hai yuun ki uf tauba
meri tauba hi TuuT jaati hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jab pyaar nahin hai to bhulaa kyuun nahin dete
khat kis liye rakkhe hain jalaa kyuun nahin dete