kis tarah umr ko jaate dekhun — Faza Ibn E Faizi

vaqt ne kis aag mein itnaa jalaayaa hai mujhe
jis qadar raushan thaa main us se sivaa raushan huaa

har ik qayaas haqiqat se dur-tar niklaa
kitaab kaa na koi dars mo'tabar niklaa

kisi lamhe to khud se laa-taalluq bhi raho logo
masaail kam nahin phir zindagi bhar sochte rahnaa

khaak-e-'shibli' se khamir apnaa bhi uTThaa hai 'fazaa'
naam urdu kaa huaa hai isi ghar se unchaa

shab-gazida ko tire is ki khabar hi kab thi
din jo aaegaa gham-e-laa-mutanaahi degaa

palkon par apni kaun mujhe ab sajaaegaa
main huun vo rang jo tire paikar se kaT gayaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi sundar ghazal hai dosto
zindagi ko gungunaanaa chaahiye

phir usi bevafaa pe marte hain
phir vahi zindagi hamaari hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe