ek muddat se tiri yaad bhi aai na hamein — Firaq Gorakhpuri

chhuT ke ghar aa gae asiir tire
lekin ab in ko kaun pahchaane

kam se kam maut se aisi mujhe ummid nahin
zindagi tu ne to dhoke pe diyaa hai dhoka

bahut dinon mein mohabbat ko ye huaa maalum
jo tere hijr mein guzri vo raat raat hui

kisi kaa yuun to huaa kaun umr bhar phir bhi
ye husn o ishq to dhokaa hai sab magar phir bhi

jo uljhi thi kabhi aadam ke haathon
vo gutthi aaj tak suljhaa rahaa huun

main muddaton jiyaa huun kisi dost ke baghair
ab tum bhi saath chhoDne ko kah rahe ho khair

mere khvaabon ke jharokon ko sajaate rahiye
na sahi vasl magar yaad to aate rahiye

koi taamir ki surat to nikle
hamein manzur hai buniyaad honaa

vo tiraa unchi haveli ke qafas mein rahnaa
yaad aae to parindon ko rihaa kartaa huun

bas ek raat se kaise thakan utarti hai
badan ko chaahiye aaraam kuchh ziyaada hi

shiddat-e-shauq mein kuchh itnaa use yaad kiyaa
aaina toD ke tasvir nikal aai hai

suluk rakhtaa hai mujh se munaafiqon jaisaa
tamaam shahr mein jo mo'atabar ziyaada hai