vo tiraa unchi haveli ke qafas mein rahnaa — Mansoor Aafaque

baarishein us kaa lab-o-lahja pahan leti thiin
shor karti thi vo barsaat mein jhaanjhar ki tarah

qayaam kartaa huun akasr main dil ke kamre mein
ki jam na jaae kahin gard us ki chizon par

tujh aisi narm garm kai laDkiyon ke saath
main ne shab-e-firaaq Dubo di sharaab mein

aa giraa zinda shamshaan mein lakDiyon kaa dhuaan dekh kar
ik musaafir parinda kai sard raaton kaa maaraa huaa

bas ek raat se kaise thakan utarti hai
badan ko chaahiye aaraam kuchh ziyaada hi

bas ek lunch hi mumkin thaa jaldi jaldi mein
use bhi jaanaa thaa mujh ko bhi kaam karnaa thaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

yaad bhi teri miT gai dil se
aur kyaa rah gayaa hai hone ko

qisse se tire meri kahaani se ziyaada
paani mein hai kyaa aur bhi paani se ziyaada

go faraamoshi ki takmil huaa chaahti hai
phir bhi kah do ki hamein yaad vo aayaa na kare

markaz-e-jaan to vahi tu hai magar tere sivaa
log hain aur bhi is yaad puraani mein kahin