aane vaali barkhaa dekhein kyaa dikhlaae aankhon ko — Habib Jalib

kuchh aur bhi hain kaam hamein ai gham-e-jaanaan
kab tak koi uljhi hui zulfon ko sanvaare

sher se shaairi se Darte hain
kam-nazar raushni se Darte hain

duniyaa to chaahti hai yunhi faasle rahein
duniyaa ke mashvaron pe na jaa us gali mein chal

kuchh log khayaalon se chale jaaein to soein
biite hue din raat na yaad aaein to soein

chhoD is baat ko ai dost ki tujh se pahle
ham ne kis kis ko khayaalon mein basaae rakkhaa

ik tiri yaad se ik tere tasavvur se hamein
aa gae yaad kai naam hasinaaon ke

pyaaso raho na dasht mein baarish ke muntazir
maaro zamin pe paanv ki paani nikal paDe

do baadal aapas mein mile the phir aisi barsaat hui
jism ne jism se sargoshi ki ruuh ki ruuh se baat hui

ye garajnaa baadalon kaa yuun lage
baat mujh se kartaa ho jaise khudaa

chhup jaaein kahin aa ki bahut tez hai baarish
ye mere tire jism to miTTi ke bane hain

aakhri bas hai aur nikalne vaali hai
aa jaao ik seat baraabar khaali hai

mil nahin saktaa jo main ne kho diyaa
maut kaa koi bhi mutabaadil nahin