mil nahin saktaa jo main ne kho diyaa — Sabir Aafaque

cup mein garmi dikhaa rahi thi bahut
chaae saucer mein Daal di main ne

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa

maut aa jaae vabaa mein ye alag baat magar
ham tire hijr mein naagha to nahin kar sakte

puchh us shakhs se main jis ko nahin mil paayaa
main tujhe jitnaa mayassar huun tiri qismat hai

bahut hi khushki mein guzri hai is baras holi
gila hai tujh se ki giilaa nahin kiyaa mujh ko

vasl ko maan ke taraste hain mire bachche bhi
kaifiyat hijr ki mujh par hi nahin taari hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

toD kar kaabe ko masjid na banaao zaahid
khaana-barbaad kisi dil hi mein kar ghar paidaa

sunaa haal-e-dil-e-'majruh' shab ko
koi hasrat si hasrat thi bayaan mein

pechidgi-e-taba ki ye saaf hai dalil
maani ulajh ke rah gae un ke kalaam mein

aah qaasid to ab talak na phiraa
dil dhaDaktaa hai kyaa huaa hogaa